Дробыш Андрэй Казіміравіч
    Нарадзіўся 22 лістапада 1982 года у г.п. Варапаева Віцебскай вобласці. Закончыў музычнае вучылішча г. Наваполацка па класу валторна. У 2002 годзе паступіў у Беларускую дзяржаўную акадэмію мастацтваў, якую скончыў у 2006 годзе. Яшчэ будучы студэнтам быў прыняты артыстам у тэатр на 0,5 стаўкі і ўдзельнічаў у шматлікіх спектаклях бягучага рэпертуару. Праявіў сябе як перспектыўны, адказны, старанны артыст і ў 2006 годзе быў залічаны ў трупу Купалаўскага тэатра. Заняты ў наступных спектаклях: “Памінальная малітва” Г.Горына, “Тутэйшыя” Янкі Купалы, “Эрык XIV” А.Стрынндберга, “Ромул Вялікі” Ф.Дзюрэнмата, “Чычыкаў” М.Гогаля, “Паўлінка” Янкі Купалы, “Чорна панна Нясвіжа” А.Дударава, “Снежная каралева” Я.Шварца, “Маэстра” М.Ладо. Першая галоўная роля – Кім у аднайменным спектаклі А.Дударава.